Bértaniye penler akadémiyisining sijil tereqqiyat fondi yardimige érishken hemkarliq ish türi

Türni élip barghuchi orunlar:
Sherqshunasliq we afriqa instituti London uniwérsitéti
Turan uniwérsitéti, almuta, Qazaqistan

Bizning mezkur tetqiqat ish türimiz qazaqistanning sherqiy jenubida yashaydighan uyghur milliti teripidin dawamlashturup kéliwatqan jama’et yighilishi bolghan “meshrep” tüzülmisini merkez qilidu. 

Meshrep – jama’etchilikni asas qilghan gheyri-resmi yighilidighan sorun bolup, bu pa’aliyet muzika, usul, chaqchaq, kitab oqush qatarliq pa’aliyetlerni öz ichige alidu. 

Jama’etchilikni asas qilghan bu xil pa’aliyetler jemiyet ezalirining uzun muddetlik ittipaq we inaqliqni shekillendüridu we shuninggha mas halda öz nöwitide, ularning öz ana tilini saqlap qélishigha, öz medeniyiti bilen yashishigha, öz jemiyitining mewjut mesililiri heqqide kéngesh qilishigha, pilanlishigha we emeliy tedbirlerni körüshige zörür bolghan imkaniyetlerni yaritip béridu.

Bu ish turi – meshrep pa’aliyitidin paydilinish arqiliq, yéza-qishlaqlardiki medeniyet we yerlik tilni qaytidin janlandurush, jemiyetke tewe bolghan teshkilatlarni küchlendürüsh, sijil iqtisadiy tereqqiyatni nishan qilghan mikro iqtisadiy baghlinish torlirini shekillendürüshke yardem béridu.

Bu tetqiqat turi uyghur jemiyitining mesulliri bilen we qazaqistandiki teshkilatlar bilen birlikte ishlesh arqiliq, her qaysi meshrep guruppilirigha meslihet bérish, ularni terbiyilesh we iqtisadiy yardem bérish qatarliq bir yorush xizmet programmilirini emelge ashuridu. 

Bizning her sahe kesipler boyiche yétishken, xelqaraliq xizmet guruppimiz mezkur ish türining programmilirini emelge ashurush bilen bille qazaqistan uyghur meshreplirini mukemmel arxiplashturup, étnografik tetqiqatlarni élip baridu. 

Bu ish türi – qazaqistandiki tetqiqatchilarni en’gliyige élip kélip terbiyilesh we ular bilen hemkarlishish arqiliq qazaqistanda élip bérilidighan tetqiqat xizmetliri uchun yardemde bolush; qazaqistanning sherqiy jenubidiki eneniwiy muzika mektipige yardem qilish arqiliq uyghur medeniyet miraslirining dawamlishishini ilgiri sorushni meqset qilidu. 

Bizning bu ish turimiz – gheyri resmiy medeniyet mirasliri, shu jemiyetning mewjutluq kimliki we sijil tereqqiy qilishning muhim wastisi, jemiyetning inaq we mesuliyetchan bolushigha yardem béridu we kolléktipni birlikte heriketke keltüridu dep qaraydu.

Xitay hökümiti türlük tetqiqat we tekshürüsh matériyalliri bilen teminlep, gheyri resmiy medeniyet miraslirini dölitining prinsipliq simwoli we desmisi qatarida xizmet qildurush meqsitide, meshrepni 2010-yili birleshken döletler teshkilati pen medeniyet mehkimisining jiddi qoghdilidighan gheyri resmiy medeniyet mirasliri tizimlikige en’ge aldurghan idi.

Bu ish turi yéngiche tereqqiyat yölinishini tépip chiqish arqiliq gheyri resmiy medeniyet miraslirigha yéza-qishlaqlardin bashlap warisliq qilish imkaniyetlirini yaritidu. Yerlik xelqining öz tili we medeniyitini saqlap qélishi, namratliqni azaytish we jemiyetning saghlam tereqqiy qilishini emelge ashurush qatarliq xizmetlerni élip bérish uchun qazaqistandiki uyghur jemiyiti bilen yéqindin hemkarliship xizmet qilidu.  

Bu betning Silawiyan yéziq nusxusi:
www.meshrep.uk/uy/изчил-тәрәққият-нишани-билән-йеңичә-у